Erkenning
Erkenning aan die skut wat die hoogste gemiddelde punte gedurende diespesifieke kalenderjaar verdien het.
Om in aanmerking te kom kan die skuts aan enigevan die volgende tabelle deelneem:
- Vlakte (Springbok)
- Bosveld (Blouwildebees)
- Rooibok tabel - sonder rus
- Rooijakkals
- Vlakvark
- Grootkaliber (Buffel)
- Raadslag (.22)
‘n Skut moet ‘n minimum van 3 tellings per 5 (minimum) onderskeie oefeninge gedurende die periode vanaf Januarie tot Oktober aanteken om in aanmerking te kom vir die trofee. Elke skut se 5 hoogste gemiddelde tellings oor die 7 oefeninge sal gebruik word om sy gemiddeld aan die einde van die jaar te bepaal. Die skut met die hoogste gemiddeld wen.
Die reëls en vereistes soos deur die SAJWV Hoofkantoor vasgestel sal geld vir die verskillende oefeninge.
Vir alle tabelle word afsonderlike drie plekke asook ‘n wisseltrofee aan die einde van die jaar toegeken.
Die Handwapen en Haelgeweer tabel sal nie in ag geneem word , omdat nie alle skuts die gepaste wapens het nie, maar daar sal wel erkenning gegee word aan die hoogste gemiddelde telling per elke afsonderlike tabel.
punt sal nie in berekening gebring word vir die Top GunTrofee nie, slegs vir die uitslag van die spesifieke tabel.
Sovêr moontlik sal die elke takskiet aangebied word. Baanoffisiere moet ingelig word om die V-kolle wat geskiet word op die tabelle op die skuts se tellings aandui as 260.5 ens.
Reëls en regulasies aangaande skietpunte
Die reëls sal toegepas word vir alle toekennings, kompetisies asook vir alle spanne wat gekies sal word om amptelik as deel te neem.
- Slegs punte behaal op 'n amptelike skietdae sowel as punte behaal op streek-intertak en nasionale vlak sal in ag geneem word vir erkenning, soos MVS, R100 000 skiet, Streek- en Presidentskiet.
- Punte verkry by Baviaanspoort moet in die skut se logboek aangebring word en geteken word deur die betrokke baanoffisier en dan deurgestuur word na Pretoria-Oos. Indien punte nie verskyn nie kan dit onder die aandag van die komitee gebring word.
- Geen punt by ‘n ander tak se skietdae sal in ag geneem word nie. Slegs Pretoria-Oos en Baviaanspoort takskiet punte sal in ag geneem word vir die Top Gun Trofee, interne prysuitdeling en Pta Oos skietspanne.
- Uitsonderings kan slegs gemaak word vir lede van hoofkantoor wat as verteenwoordigers optree by ander takke en nie by die maandelikse skietdae van die spesifiek twee takke kan wees nie.
Intertak skietspan keuring
Spanne vir intertak sal gekies word volgens die ranglys van die Vlakte en Bosveld tabelle asook met ’n span samestelling van ervaring en leierskap. As daar gekyk word na die laaste paar jare se resultate van kompetisies, was dit duidelik dat spanne wat ervare skuts insluit beter presteer op nasionale vlak. Daar sal ook gekyk word na prestasies behaal in spanverband sowel as individuele prestasies op streek- en nasionale kompetisies. Daar sal ‘n poging aangewend word om hoogs kompeterende spanne saam te stel asook om opkomende skuts op streekvlak blootstelling te gee.
Indien die spanne nie vol is nie sal die skuts wat twee tellings het, se hoogste gemiddeld gebruik word om die spanne op te vul.
